Geimfarar skreppa í frí

Þegar geimfararnir í alþjóðlegu geimstöðinni sneru til jarðar urðu þeir að loka um tíma. Geimfarar þurfa víst sín frí eins og aðrir og því skildu þau þetta skilti eftir á hurðinni, ef ske kynni að einhver kæmi og vildi fá kaffi eða gistingu.

Lentu 400 km frá fyrirhuguðum lendingarstað

Ný mótmæli með trukki

Nýjasta útspilið hjá trukkaköllunum er að festa vörubílana undir göngubrúm víðsvegar um höfuðborgarsvæðið. Virkar asskoti vel, vegfarendur komast ekkert úr sporunum og löggan og fjölmiðlar mæta á svæðið.

DVD-salinn í Kabúl

Hinn frægi bóksali í Kabúl er fluttur burt, minnir að hann hafi flúið til Noregs. Á útimarkaði einum sem ég fór á í borginni var mikið af allskonar skrýtnum varningi til sölu. Enginn einasti bóksali var sjáanlegur. En fjölmargir sölubásar voru hins vegar með DVD myndir í bunkum og flestar voru þær kínverskt sjóræningjadrasl -af Netinu. Á einum sölubásnum rak ég augun í kunnuglega íslenska kvikmynd, í skrýtnum búningi með enskum titli myndarinnar.

Mýrin til sölu í Afganistan.

Fréttaljósmynd vikunnar

Þessi mynd segir meira en mörg orð. Sumir eru með tærnar þar sem aðrir eru með hælana, og reyna jafnvel að toga aðeins í þá til að jafna bilið. 4-2  Af Sky Sports.

Eftir 20 ár...

Hjón nokkur voru búin að vera gift í 20 ár. Alltaf þegar þau nutu ásta heimtaði maðurinn að ljósin væru slökkt. Eftir öll þessi ár fannst frúnni þetta vera orðið fáránlegt. Henni datt í hug að nú skyldi hún venja mann sinn af þessum vana. Svo eina nóttina, þegar þau voru í miðju kafi, í eldheitum "argandi" ástarleik þá kveikti hún ljósin skyndilega.

Hún leit á manninn sinn... og sá að hann hélt á einhverju verkfæri sem gekk fyrir batteríum...

Víbrator! Mjúkur, yndislegur og mun stærri en alvöru. Konan varð algerlega brjáluð. "Þú getulausa kvikindi", öskraði hún á hann, "hvernig gastu logið að mér öll þessi ár? Það er eins gott að þú útskýrir þetta fyrir mér!" Eiginmaðurinn lítur beint í augu konu sinnar og segir mjög rólega: "Ég skal útskýra leikfangið...

En þú ættir þá að útskýra BÖRNIN!!!!!"

Mótmælum!

Jeppakallar hafa risið upp á afturlappirnar og mótmæla því að hobbíið þeirra verður sífellt dýrara. Þeir völdu sér sjálfir þetta áhugamál. Önnur lögmál gilda um þá sem vinna við að keyra og eru í atvinnurekstri, hvort sem það eru vörubílar eða ferðamannabílar. Við veiðimenn mótmælum ekki þegar veiðileyfin hækka ár eftir ár. Við völdum okkur þetta áhugamál og vitum að þetta getur verið dýrt spaug í þessu okurlandi. Við öskrum kannski og æpum og liggjum á flautunni næst þegar skotin hækka og stangirnar kosta allt í einu meira. Golfarar brjálast svo þegar árgjöldin verða hækkuð, eða kylfurnar verða dýrari vegna gengisfalls ónýta gjaldmiðilsins. Það hefur ekki verið skortur á hækkunum á svona leikföngum, frekar en öðru á Íslandi. En kannski þetta sé málið í dag. Ég ætla að líma svona miða á bílinn minn og leggjast á flautuna fyrir framan Alþingi, ég þoli ekki sífelldar hækkanir.

Ég vissi þetta!!!!!!!

Þessir farsímar eru stórhættuleg tæki sem eiga eftir að tortíma okkur. Ég er ekki í nokkrum vafa um að Djöfullinn sjálfur hefur skapað þessi skaðræðistól. Fyrir nokkrum árum gerði ég ásamt vini mínum kvikmynd um þessa miklu vá og var myndin sýnd á RÚV, en hún fékk m.a. 3 stjörnur í kvikmyndagagnrýni Moggans.

Þetta er þá semsagt orðið staðfest....

Farsímar hættulegri en reykingar

Myndir frá Afganistan

Tók slatta af ljósmyndum úti í Afganistan en vegna lélegs netsambands í þriðja heiminum gat ég ekki sett mikið af myndunum inn á síðuna fyrr en heim var komið. Þurfti að nota þetta oggulitla netsamband til að koma klipptum fréttum heim, sem rétt hafðist. Það væri ekki ofsögum sagt að kalla þetta ferðalag menningarsjokk fyrir þann sem ekki hefur áður komið austar á hnöttinn en til Moskvu og aldrei suður fyrir Miðjarðarhaf. Fyrirfram hafði ég sagt að ég væri sennilega á leiðinni til miðalda, það stóðst að sumu leyti. En ég komst að því að Bandaríkin og fleiri eru búin að heilaþvo okkur með fréttum sínum, það eru ekki eintómir hryðjuverkamenn og brjálæðingar í þessu landi. Fátæktin og vesældin er að vísu gríðarleg en örugglega um 95% af fólkinu í Afganistan er mjög vingjarnlegt og gott fólk sem vill bara fá frið fyrir ruglinu sem er búið að ganga á í þessu ótrúlega landi.

 Flugdrekahlaupari

 

 

 

 

 

                                    

                                                 Skriðdrekahlaupari

 

 

 

 

 

 

 

 

 

 

 

 Sænskur hermaur

 

 

 

 

 

 

 

 

 

                           Afganskir töffarar

 

 

 

Minning

Nú ertu loksins látin í hárri elli gamla mín. Fregnir af andláti þínu bárust heiman af Íslandi, þar sem ég er staddur erlendis. Það var auðvitað áfall, en þó ekki svo óvænt þar sem þú varst orðin ansi lúin greyið mitt, búin að vera í hálfgerðri gjörgæslu í mörg ár og sérfræðingar voru sífellt að segja að nú hlyti að fara að koma að leiðarlokum.

Ég kynntist þér kornungur að árum og ég hélt að þú værir allt sem ég þyrfti á að halda í lífinu um ókomna tíð. Þegar ég var níu ára varstu svo veik að þú varst send í uppskurð og lýtaaðgerð þar sem m.a. voru fjarlægðir 2 baugar aftan af þér. Þú hresstist nú eitthvað við þetta en varst gjörbreytt í útliti, og ég ungur pilturinn varð svolítið vonsvikinn og var ekki alveg sáttur við þig fyrst á eftir. Fannst þú vera orðin eitthvað rýr. En það jafnaði sig fljótt og unglingsárum kynntumst við fyrir alvöru og ég vildi alltaf hafa þig hjá mér, fékk aldrei nóg. Þá lagði ég það meira að segja á mig að bera út Moggann í brjáluðum vetrarveðrum til þess að við gætum verið meira saman. Þær voru líka ógleymanlegar ánægjustundirnar þegar ég hafði brosandi opnað sætu umslögin í frystihúsinu fyrir austan á sumrin.

Samband okkar minnkaði þegar ég fór í heimavistarskóla en við hittumst þó alltaf meira á sumrin, og þá var nú margt skemmtilegt brallað. Það hryggði mig mikið þegar miskunnarlausir íslenskir jakkafatamenn fóru að misnota þig fyrir nokkrum árum og fóru illa með þig, svívirtu jafnvel opinberlega og á endanum varðstu að lúta í lægra haldi, orðin þrútin og þanin eftir margskonar vaxtaverki og áföll. Bölvuð jakkafötin vildu víst að fá einhverja erlenda í staðinn fyrir þig. Svona er þróunin orðin vinan, erlenda vinnuaflið er að valta yfir allt á litla skerinu okkar.

Elsku Króna mín, ég mun aldrei gleyma þér, þú varst svo stór partur af lífi mínu öll þessi ár. Ég þakka þér fyrir allt sem þú gerðir fyrir mig, þú reyndir alltaf þitt besta fyrir allt og alla. Hvíldu í friði.

In the army now!

Í Kabúl er meirháttar mál ef maður þarf að fara á milli flugvallarherstöðvarinnar og aðal herstöðvarinnar inni í borginni. Sérstök sveit vaskra hermanna sem kallast move-con sér um að koma fólki á milli með öruggu móti, í brynvörðum bílum, og allir farþegar verða að vera í 15 kílóa skotheldum vestum með hjálma á hausnum.

Mazar E Sharif

Nú er ég staddur norður í landi í borginni Mazar E Sharif. Töluvert heitara en í Kabúl, sirka 30 stiga hiti í dag. Fórum um bæinn og það var alveg stappað af fólki út um allt, þvílík glás og allir rosalega uppteknir og mikill handagangur í öskjunni. Töluvert meira af konum í búrkum (aðeins net fyrir augun búningur) heldur en í Kabúl  sem maður sá. Það var átakanlegt að sjá sumar konurnar sem lágu á gangstéttinni og betluðu, þær eiga ekkert, mega ekkert og enginn vill sjá þær því konur sem eru í þessari aðstöðu eru flestar búnar að missa mennina sína og þeirra bíður nánast ekkert nema dauðinn, og sumar taka jafnvel eigiið líf. Mann langar að fara að gráta að horfa upp á svona hryllilegar aðstæður. Hvar eru mannúðar- og mannréttindasamtök þegar svona hlutir eru annars vegar, eða fólk sem þykist vera að bjarga fiskum eða hvölum og eyðir í það milljörðum.

Kabúl

Mættur á þennan ótrúlega stað sem er í 1800 metra hæð yfir sjávarmáli. Flugum í nótt með stoppi í Finnlandi og Istanbul, lítið sofið á leiðinni. Hingað var flugvélin komin um hádegi og svo keyrðum við um götur Kabúl í brynvörðum jeppa frá flugvellinum og inn á græna svæðið þar sem friðargæsluliðar frá einum 40 löndum búa. Þetta var ótrúleg sjón, bláfátæk börn í ræfilslegum klæðum út um allt og ætli við höfum ekki séð einar 100 asnakerrur og 500 ávaxtasala á þessari stuttu leið. Netsambandið er ótrúlega slappt.

Fjarskanistan

Ég er á leiðinni til Afganistan í 8 daga vinnuferð. Ætla að reyna að blogga þaðan eftir því sem netsamband leyfir. Hef aldrei komið austur fyrir Evrópu, en fyrirfram finnst mér ég vera að fara aftur á miðaldir þannig að það verður forvitnilegt hvaða sýn maður hefur á þetta land eftirá. Sumir sem ég þekki halda reyndar að þeir muni ekki sjá mig aftur en ég hef engar áhyggjur af því, enda verðum við íslendingarnir í strangri fylgd friðargæsluliða og hers allan tímann. Utanríkisráðherra Íslands mætir svo á svæðið eftir nokkra daga. Over and out!

Eftirlitið

Það er eftirlit með hinu og þessu sem fólk er að gera í landinu. Það er til Fjármálaeftirlit, Heilbrigðiseftirlit, Vinnueftirlit, Skattaeftirlit, Lögregla og umferðareftirlit og hver veit hvað og svo eru eftirlitsmyndavélar út um allt þar að auki til að fylgjast með að allt fari eftir reglum og hægt sé að taka þrjóta fasta sem brjóta af sér.

En hvernig í fjandanum stendur á því að það er ekkert sem heitir eftirlit með trúarhópum og sértrúarsöfnuðum í landinu? Enginn nokkur maður fylgist með svindlurum og pretturum sem þykjast vera að hjálpa fólki sem er komið í öngstræti, oftast í áfengis- og fíkniefnavanda. Það þarf víst ekkert að fjölyrða um Sadó-Masó kónginn í Byrginu. Sumir svindlararnir nýta sér auðtrúa sálir sem auðmjúklega trúa á Guð og hið góða. Fólkið borgar "Guði" peninga af fúsum og frjálsum vilja og svo taka Gunnar í Krossinum og Snorri í Betel skælbrosandi á móti fénu og fitna eins og púkinn á fjósbitanum.

Sumir þessarra manna hafa makað krókinn ótæpilega á auðtrúa fólki og fylla hausinn á því af fordómum og rangfærslum og segja þær vera Guðs heilaga orð. Svei! Ef það á ekki að hafa eftirlit með svona svindlurum og illmennum þá veit ég ekki hvað.

Níufimmsjö!

Þegar flakkað er á milli útvarpsstöðva í bílnum er ég ekki alltaf viss um hvaða stöð dettur inn í leitinni hverju sinni. En þegar ákveðin hnakkastöð dettur á kantinn fer yfirleitt ekki á milli mála hvaða viðbjóður er á ferðinni. Grjótheimskur þulurinn talar mjög hratt og taktfast með sérstaka áherslu á errið og segir nafn útvarpsstöðvarinnar á sirka 5 sekúndna fresti, (svona just-in-case ef einhver gullfiskurinn á hinum endanum skyldi hafa misst af því).

Í bassaboxum Súbarú Imprezanna á Selfossi er niðursoðið píkupoppið svo þanið í botn upp um opna  topplúguna eftir að þulurinn loksins hættir rausinu og heilalaus bílstjórinn sem er orange litaður í framan (eftir ofnotkun á ljósabekkjum) byrjar að syngja með og kinkar aflitaða grautarhausnum í takt.