Eftirlitið

Það er eftirlit með hinu og þessu sem fólk er að gera í landinu. Það er til Fjármálaeftirlit, Heilbrigðiseftirlit, Vinnueftirlit, Skattaeftirlit, Lögregla og umferðareftirlit og hver veit hvað og svo eru eftirlitsmyndavélar út um allt þar að auki til að fylgjast með að allt fari eftir reglum og hægt sé að taka þrjóta fasta sem brjóta af sér.

En hvernig í fjandanum stendur á því að það er ekkert sem heitir eftirlit með trúarhópum og sértrúarsöfnuðum í landinu? Enginn nokkur maður fylgist með svindlurum og pretturum sem þykjast vera að hjálpa fólki sem er komið í öngstræti, oftast í áfengis- og fíkniefnavanda. Það þarf víst ekkert að fjölyrða um Sadó-Masó kónginn í Byrginu. Sumir svindlararnir nýta sér auðtrúa sálir sem auðmjúklega trúa á Guð og hið góða. Fólkið borgar "Guði" peninga af fúsum og frjálsum vilja og svo taka Gunnar í Krossinum og Snorri í Betel skælbrosandi á móti fénu og fitna eins og púkinn á fjósbitanum.

Sumir þessarra manna hafa makað krókinn ótæpilega á auðtrúa fólki og fylla hausinn á því af fordómum og rangfærslum og segja þær vera Guðs heilaga orð. Svei! Ef það á ekki að hafa eftirlit með svona svindlurum og illmennum þá veit ég ekki hvað.

Athugasemdir

[Einsi (IP-tala skráð) 7.3.2008 kl. 17:55]

Málið er einfallt: Ef þú færir að hafa eftirlit með því að trúarhópar væru ekki að ljúga að fólki, þá þyrfti að loka þeim öllum, líka þjóðkirkjunni....

[Guðmundur Bergkvist, 7.3.2008 kl. 20:15]

Góður punktur.

[D (IP-tala skráð) 8.3.2008 kl. 13:33]

En hver á að hafa eftirlit með eftirlitsmönnunum. Þeir eru nú misjafnir sauðir eins og í mörgum ríkisstofnunum???