Samsæri

Nei nú er nóg komið af skepnuskapnum gegn borgarstjóranum. Það er ekki nóg með að Spaugstofan sé að hamast í vesalings Ólafi F. og setja á svið heilu geðveikraþættina, nú eru komnir 2 þættir í röð. Dagskrárstjóri Sjónvarpsins baðst sko ekki afsökunar á aðförinni gegn Ólafi, heldur tók til óspilltra málanna í samsærinu gegn nýja borgarstjóranum og raunar borgarstjórninni allri. Í liðinni viku skellti hann á dagskrá íslensku kvikmyndinni Englar alheimsins sem fjallar um klikkaða gaura í Reykjavík sem eru gúggú og ga ga, bimmilimm og bomm bomm og bjóða sjálfum sér upp á flottustu veitingarnar. Þetta getur ekki verið tilviljun því að í næstu viku verður hann svo með Gaukshreiðrið á dagskrá og Guð má vita hvað kemur næst. Er ekki meijor Ólafur F. búinn að þola nóg, sjálft Sjónvarp allra landsmanna að snúa hnífnum í sárinu.

Athugasemdir

[Þórhildur Helga Þorleifsdóttir, 8.2.2008 kl. 22:43]

Búin að hlægja mig máttlausa,- þú breytist ekki,- núna man ég afhverju okkur Sibbu fannst svo gaman að taka þig með á rúntinn í den ;)