Austurland

Í vikunni fór ég í fyrsta skipti austur á firði í heil 3 ár. Maður bjó víst í aldarfjórðung á austurlandi og hlýtur að teljast austfirðingur, a.m.k. ennþá. Og mikið var gaman að fara austur, sérstaklega á þessum árstíma því að allt er svo litríkt, mosinn teiknar fjöllin svo falleg og austurlandið skartaði sínu fegursta. Það sem var einna skemmtilegast var hvað allir voru almennilegir. Austfirðingar eru höfðingjar heim að sækja og kurteisin uppmáluð, (næstum allir).

Fór reyndar ekki bara að gamni mínu austur, og þó. Fyrst ég vann í UST Lottóinu í fyrravetur þá var komið að því að fara á hreindýraveiðarnar og Kjartan veiðifélagi minn fór að sjálfsögðu með, búnir að bíða í hálft ár eftir þessu með mikilli eftirvæntingu. Eftir mikla göngu um heiðardal einn fagran, upp af Fossárdal í Berufirði, þá lágu 2 væn dýr, belja og kálfur. Vorum með frábæran leiðsögumann sem þekkir hvern stein og þúfu á svæðinu og það skilaði sér, enda sér maðurinn í gegnum holt og hæðir og lengra en augað eygir.

Athugasemdir

[Hertoginn á Bjarti NK (IP-tala skráð) 6.9.2008 kl. 20:23]

Það er fallegt þarna í Berufirðinum.Hver var leiðsögumaðurinn?

[Eiríkur Ingvar Ingvarsson, 6.9.2008 kl. 21:23]

Vel gert Beggi, þar með er kolefnis jöfnun þinni lokið í ár. Ég ítreka það að það er fátt meira umhverfismál á þessum tímum en að fækka þessum dýrum. Hattur ofan fyrir umhverfissinnanum.

[Stefán Smári Kristinsson, 7.9.2008 kl. 16:56]

Niiice! Um að gera að skjóta þessi kvikyndi og troða þeim í frystikistuna! Það hefði ekki verið leiðinlegt að koma með í svona ferð. Ég fæst nú reyndar við annars konar veiðar hérna á ítalíu ;)
En þetta er flott dýr hjá þér frændi!

kv. Stefán Smári

[Guðmundur Bergkvist, 7.9.2008 kl. 18:07]

Leiðsögumaðurinn heitir Þorri Magnússon. Mikill snillingur.

[Þórhildur Helga Þorleifsdóttir, 7.9.2008 kl. 22:00]

Mikið eruð þið flottir félagarnir þarna ;)  Auðvitað bara dásemdin ein þarna fyrir austan.

[Kalli (IP-tala skráð) 8.9.2008 kl. 14:31]

Blessaður!

Það er með ólíkindum hvað þetta fólk fyrir sunnan getur leyft sér að vaða um óspjölluð lönd til að myrða og skemma.  Fær ekkert að vera í friði lengur -ha?!

Það er fátt eins fallegt og blessuð hreindýrin út í fallegri náttúrunni.  Yfir þeirri sýn er mikill friður og ró. 

Já, það er betra fyrir þetta lið að sunnan að kaupa hreindýrakjötið í Nóatúni, í stað þess að bruna upp um öll fjöll að skemma og skjóta.

[palli (IP-tala skráð) 11.9.2008 kl. 10:16]

Flottur...en þessi kálfur þarna bakvið verður ekki af neinum tarfi úr þessu!!!!hefði ekki verið hægt að sleppa honum????

kv. JP....