Sjallar mótmæla

Fyrir framan Alþingishúsið við Austurvöll eru nú samankomnir fjölmargir Sjálfstæðismenn til að mótmæla rauðu kommúnistabyltingunni sem þeir segja að sé hafin í landinu. Sjöllunum er heitt í hamsi og þeir hrópa í sífellu "vanhæf vinstristjórn!" ásamt því að framkalla mikil óhljóð og skrölt með því að hrista fínu skartgripina og Rolex úrin sín. Sumir þeirra eru jafnvel farnir að tromma á húddin á jeppunum og sportbílunum sínum.

Athugasemdir

[Lárus Vilhjálmsson, 29.1.2009 kl. 16:34]

Aðrir sýna vanþóknun sín með því brenna bókhald eignarhaldsfélaga sinna á miðjum Austurvelli án afskipta lögreglu. Og lítill hópur situr á Hótel Borg, sötrar kampavín og hrækir á stóra mynd af Steingrími Joð og Ingibjörgu Sólrúnu.

[Þórhildur Helga Þorleifsdóttir, 30.1.2009 kl. 08:54]

og síðan eru þeir allir að færa eignir sínar á nöfn kvenna sinna ;)

[Eiður Ragnarsson, 3.2.2009 kl. 12:43]

Eiga þeir ekki líka rétt á því að mótmæla.....

En án gríns þá hlýtur þetta að vera gríðarlegt áfall fyrir ungliða Sjálfstæðisflokks, þeir muna ekki eftir öðrum í forsætisráðherrastóli, en sjálfstæðismanni, ef undan eru skildar þessir dagar sem Dóri sat í stóli, en það man nú engin eftir því lengur....