Versti viðskiptamaður áratugarins

Nokkrir álitsgjafar voru fengnir um daginn til að segja í sjónvarpi frá því hver þeim fyndist vera skandall ársins, versti viðskiptamaður ársins og ýmislegt fleira. Alveg varð ég steinhissa á því að enginn skyldi nefna Mr. Hannes Smárason sem versta viðskiptamann ársins, eiginlega áratugarins. Þessi svikahrappur er búinn að vera einn af aðalleikurunum í tveimur stærstu svikamyllum Íslandssögunnar, Decode svindlinu og FL Group hringrásar-mergsugunni sem bæði hafa kostað margan íslendinginn aleiguna. Hann mun aldrei þurfa að sæta neinum refsingum fyrir þessa glæpastarfsemi.

Fyrst var það Decode. Fyrir sirka áratug var fyrrnefndur Mr. Smárason aðstoðarmaður Kára Stefánssonar. Þeir sátu á leynifundum með stjórnendum verðbréfadeilda bankanna og ákváðu hreinlega gengið á bréfunum. Þeir sögðu öllum að gengið myndi fara endalaust upp og orðrómurinn var orðinn sá að gengið ætti eftir að fara upp í 200. Þáverandi forsætisráðherra lét ekki sitt eftir liggja í að hvetja þjóðina til dáða og drífa sig í að kaupa hlutabréf og grípa tækifærin sem sumir lögðu aleiguna í og aðrir tóku milljóna tuga lán því þetta var svo rakið dæmi.

Bréfin voru svo smá saman "ákveðin" upp í gengi sirka 60 á hinum unga íslenska rugl-hlutabréfamarkaði. Svo átti að fara með fyrirtækið inn á Nasdaq markaðinn í Ameríku. Þá áttu sko hlutirnir að fara að gerast og fólkið að græða feitt, en Decode-menn voru ekkert að hafa fyrir því að segja almenningi frá því þegar fyrirtæki fara þangað inn í fyrsta sinn þá þá fara þau aldrei inn á hærra gengi en 16-17 og sú varð raunin. Að vísu fór Decode inn á Nasdaq á sirka genginu 18 sem þótti mjög gott þá, skreið stuttu síðar upp í 28 og stuttu síðar var allt búið. En Mr. Smárason og fleiri sem vissu hvernig var í pottinn búið nýttu sér innherjaupplýsingar sínar, seldu bréf sín með flottum hagnaði til auðtrúa íslendinga sem fóru flestir á hvínandi hausinn eins og frægt er orðið. Mr. Smárason var orðinn moldríkur.

Svo mörgum árum síðar var það FL Group mergsugu-projectið, þar sem þeir félagar Mr. Smárason og Mr. Haraldsson náðu að sjúga nær allt hlutafé fólks á ævintýralegan hátt út úr FL group, síðar Stoðir og eitthvað annað. Mjög flókin og útpæld svikamylla. Þetta er útskýrt vel hér og part 2 er svo hér.

Athugasemdir

[Eiður Ragnarsson, 6.1.2009 kl. 23:16]

Það er nú til saga af tveimur bræðrum, annar vildi verða fjárfestir en hinn róni.  Karl faðir þeirra gaf þeim pening til að koma undir sig fótunum í lífinu, annar keypti hluti í Decode, en hinn keypti eitt bretti af bjór.

Síðan liðu vikur og sá sem stefndi í ræsið kláraði bjórinn með bestu list og á sama tíma hrundu bréfin í Decode þannig að fjárfestisbróðirinn sat uppi með skiptimynt í stað umtalsverðar upphæðar.

Fór þá rónabróðirinn með allar sínar tómu dósir í Endurvinnsluna, fékk greitt fyrir þær, og sat eftir með umtalsvert meiri pening en sá sem græða vildi á Kára og félögum.

Og munum að góð saga á ekki að gjalda sannleikans.....