Hryðjuverkalög

Það er komið á daginn að það eru raunverulega til hryðjuverkamenn á Íslandi. Ruslaralýður sem brýtur og bramlar allt sem á vegi þess verður. Hvað hafa tæknimenn Stöðvar 2 gert þessu skítapakki sem segist vera að mótmæla óréttlæti en veit ekki alveg hvað það á að segja þegar það er spurt hverju það mótmælir og blásaklaust fólk fær bara einn gúmoren.

Aðal hryðjuverkamennirnir eru auðvitað þessir títtnefndu útrásarvíkingar sem störfuðu í skjóli yfirvalda og lögðu allt í rúst. Þeir hafa stungið undan miklu fé og falið það hér og þar um heiminn í bankaleyndu skjóli. Svona terroristar eiga ekkert minna skilið en að sett verði á þá hryðjuverkalög og það strax, og peningarnir notaðir til að borga skuldir þjóðarinnar sem við smælingjarnir höfum verið gerðir ábyrgir fyrir. En það er ekki til stjórnmálamaður með bein í nefinu á Íslandi sem þorir að vaða í þessa kappa og gera eitthvað í hlutunum, víkingarnir virðast enn vera of valdamiklir.

Athugasemdir

[Brynja Svanhvít Lúðvíksdóttir (IP-tala skráð) 3.1.2009 kl. 21:33]

við smælingjarnir verðum að halda áfram að lifa við það að stjórnvöld eru alveg dauð og gera ekki handtak nema að skera niður endalaust mikilvæga þjónustu.ég er ógeðslega fúl yfir því sem ég er búin að tapa og hækkuðu vöruverði og þurfa að vinna meira.en ég hef þó möguleika,get unnið mikla yfirvinnu og HEF vinnu.það eru ekki allir svona heppnir.en ég er ógeðslega sár fyrir hönd þeirra sem minna mega sín og þurfa að borga brúsann og höfðu það ekki svo gott fyrir hrunið.hvað gerir þetta fólk ég bara spyr?