Bubbahrín

Bubbi Morthens hefur eins og aðrir trúbadorar margsinnis hermt eftir stóru nöfnunum úr þeirri deild og eitt sinn tók hann upp eftir Johnny Cash (Nonna Reiðufé) að spila í fangelsi og halda tónleika fyrir fangana og varð þetta að árlegum viðburði hjá Bubbanum eins og þekkt er. Ólafur Auðunsson mágur minn, sem er ekki mikill Bubbaaðdáandi, orti vísu um þennan árlega viðburð. Skáldskapurinn var birtur í Vísnahorni Morgunblaðsins í gær.

Sitja inni er gaman grátt
í grárri rigningunni.
Þegar Bubbans hrínið hátt
er hluti af refsingunni.

Athugasemdir

[Kristín Björg Þorsteinsdóttir, 31.12.2007 kl. 12:06]

Einu sinni var nú til anti-Bubba félag - kannski komin tími til að endurreisa það. Fyrir tæpun 19 árum hitti ég manninn sem seinna átti eftir að verða maðurinn minn. Ég vissi að þetta var sönn og ein ást sem átti eftir að lifa lengi þegar ég komst að því mjög fljótlega að hann hló að textum Bubba.....