Japanskur hippi fremur gjörning

Til landsins er kominn gamall japanskur hippi. Hún er búin að koma áður hingað til að reisa einhverja frygðarsúlu í Viðey við Reykjavík. Hippinn heitir Jókó og var ásamt manni sínum mjög upptekin á árum áður við að syngja um frið og reykja hass en síðan vildi svo illa til að einhver klikkhaus var þeim alveg ósammála og skaut manninn hennar hann Djonn.            Jókó taldi víst borgarstjóranum í Reykjavík trú um að þessi frygðarsúla myndi tryggja að allir í heiminum yrðu vinir og enginn myndi skjóta neinn framar. "Þessi borgarstjóri ykkar er frábær, mjög auðvelt að sannfæra hann" sagði Jókó í gær.

En samkvæmt áreiðanlegum heimildum mun súlugræjan í eynni vera í raun nokkurs konar sími eða kalltæki sem lítur út eins ljósgeisli sem lýsir upp í himininn, ekki ósvipaður þeim sem lögreglustjórinn í Gotham borg notaði til að kalla á leðurblökumanninn. Jókó mun núna vera komin hingað til að kveikja á geislanum og reyna þannig að ná sambandi við hann Djonn heitinn á himnum, því nú er farið að styttast í það að hún fari þangað upp sjálf. Djonn er nú sennilega bara uppi að bíða í góðum fílíng að reykja friðarpípu með Djanis Djopplin og Djimmí Hendrix.

Athugasemdir

[Aron Þorrason (IP-tala skráð) 9.10.2007 kl. 17:29]

Gagnrýninn texti í garð Fr. Yuko Lennon, =) samt alveg magnað að þau séu að koma hingað til lands. En,, alveg frábær síða hjá þér félagi ;) keep up the good work.

ps: svona í anda stóra skútumálsins:

stolt silgir skútan mín stór sjónum á, stút full af dópi hún vaggar til og frá.. kílóa tugi af kóki hún ber lagt út á sjó hvert sem hún fer ;)

[hardon (IP-tala skráð) 10.10.2007 kl. 14:18]

Þú  ert snillingur!  Mig er meira að segja farið að hlakka til að komast upp og eiga stundir með Djonn, Djanis og Djimmí eftir að hafa lesið bloggið þitt.  Takk takk takk fyrir að halda okkur á lífi.

[Sigurgeir Orri Sigurgeirsson, 13.10.2007 kl. 20:13]

Þú ert afar ógeðfelldur maður.